رساله من حاكم الي شعبه
يا شعبي يا حبيبي ياروحي يا حبيبي يا حاطك في جيبي يا بن الحلال
يا شعبي يا شاطر يا جابر خواطر وساكن مقابر وصابر وعـــــــــال
يا واكل سمومك يا بايع هدومك يا حامل همومك وشايل جبــــــــــال
يا شعبي يا نايم وسارح وهايم وفي الفقر عايم وحاله ده حـــــــــــال
احبك محشش مفرفش مطنش ودايخ مدروخ واخر انسطــــــــــــــال
احبك مكبر دماغك مخدر ممشي امورك كده بالتكـــــــــــــــــــــــال
واحبك بتنصب واحبك بتكدب واحبك بتنهب وتسرق تـــــــــــــــلال
واحب الي شايف وعارف وخايف وبالع لسانه وكاتم ما قــــــــــــال
واحب الي قافل عيونه المغفل واحب البهائم واحب البغـــــــــــــــال
واحب الي راضي واحب الي فاضي واحب الي عايز يربي العيــال
واحب الي يائس واحب الي بائس واحب الي محبط وشايف محـــال
واحبك تسافر وتبعد تهاجر وتبعت فلوسك دولار او ريـــــــــــــــال
واحبك تهبل تطبل تهلل علشان ماتش كوره وفلم ومقــــــــــــــــــال
واحبك تايد تعضد تمجد توافق تنافق وتلحس نعـــــــــــــــــــــــــال
لاكن لو تفكر تخطط تقرر وتفتحلي مخك وتفتح جــــــــــــــــــدال
وتبدا تشاكل وتعمل مشاكل وتنكش مسائل وتسال ســــــــــــــــؤال
وعايز تنور وعايز تطور وتعملي روحك مفرد رجــــــــــــــــــال
سعتها هجيبك لايمكن هسيبك وراح تبقي عبره وتصبح مثــــــــال
هبهدل جنابك واذل الي جابك وهيكون عذابك ده فوق الاحتمــــال
همرمت سعتك واهزق سيادتك واخلي كرامتك في حاله هــــــزال
وتلبس قضيه وتصبح رزيه وباقي حياتك تعيش في انعــــــــــزال
الخميس يوليو 31, 2014 5:54 pm من طرف قلب فلسطين
اليومية
